Автомобиль жолы көпір өткелдерінің техникалық жай-күйін лазерлік сканерлеу технологиясы негізінде диагностикалау
Кілт сөздер:
көпір құрылыстары, лазерлік сканерлеу, LiDAR, пилотсыз ұшу аппараты, көпір диагностикасы, цифрлық модельАңдатпа
Автомобиль жолы көпірлері қозғалыс қауіпсіздігін қамтамасыз ету және жөндеу жұмыстарын тиімді жоспарлау үшін жүйелі техникалық диагностикалауды қажет етеді. Зерттеудің мақсаты – көпір өткелі мен оған жалғасатын жолдарды тексеруде лазерлік сканерлеу технологиясының тиімділігін бағалау. Зерттеу барысында DJI Matrice 350 RTK пилотсыз ұшу аппараты, мобильді лазерлік сканер, LiDAR технологиясы, RTK-позициялау және фотограмметриялық өңдеу әдістері қолданылды. Нәтижесінде зерттелген нысанның ортофотожоспары, нүктелер бұлты және үшөлшемді цифрлық моделі құрылды. Жол жабынының көлденең, бойлық, температуралық және жергілікті жарықтары автоматты түрде анықталып, жіктеліп, олардың геометриялық параметрлері мен кеңістіктік координаттары белгіленді. Алынған цифрлық материалдар ақаулардың бірыңғай деректер қорын қалыптастыруға және көпірдің техникалық жай-күйін кейінгі мониторингтеуге мүмкіндік берді. Зерттеу нәтижелері әуе және жерүсті лазерлік сканерлеуді біріктіру инженерлік диагностиканың дәлдігін арттырып, тексеру уақытын қысқартып, көпір құрылыстарын цифрлық басқарудың негізін қалыптастыратынын көрсетті.
